O pasado día 31 de agosto como xa sabedes, estibemos de anelamento con Pablo Sanmartín na Limia, despois de xantar tocou ir dar unha voltiña polo espazo natural coñecido como "As Veigas de Ponteliñares" ou "Veigas da Limia", na parte das mesmas pertencente ao concello de Rairiz de Veiga.
Alí fomos afortunados de atopar moitos exemplares de rá da vaiga ou sapiño raxado (Discoglossus galganoi), moitos deles recén metamorfoseados e moi pequerechiños. E digo sorte por que esta especie non está pasando o seu mellor momento, xa que está a verse afectado por infección fúnxicas que masacran as súas poboacións, así como a un importante deterioro do seu hábitat debido ás transformacións agrícolas e á contaminación das derradeiras décadas.
No tocante á Limia a sítuaión é realmente alarmante, xa que se teñen producido extincións locais (en Xinzo, Trasmiras, Vilar de Santos, Sandiás e Sarreaus), causadas principalmente polas concentracións parcelarias que alteraron o seu hábitat principal, as Veigas, daspois da desecación da Lagoa de Antela.
No hay comentarios:
Publicar un comentario