COLEGAS

domingo, 17 de febrero de 2013

Sapo cunqueiro atropelado na serra de Queixa.

En moitas ocasións temos falado do sapo cunqueiro (Bufo bufo) como unha especie de anfibio anuro abondosa en Ourense, mais non exenta de problemas, xa que é unha das especies que máis afectada se ve polos atropelos.

A apertura indiscriminada de pistas en algunha das nosas serras ten producido un considerable aumento da accesibilidade de vehiculos a motor polos montes, quads e motos de montaña principalmente, aínda que tamén todo terreos e un longo etc.... Este aumento do tráfico rodado en zonas tan agrestes era un feito descoñecido ate hai uns 30 anos. Sen embargo a día de hoxe pode chegar a ser unha das prioncipais causas de morte de anfibios en certas zonas. Este feito produciuse moi especialmente en certas áreas das bisbarras de Monterrei e A Limia, onde se fixeron concentracións parcelarias coa conseguinte apertura indiscriminada de pistas, que se traduciu na practica nun xenocidio para as especies de hérpetos presentes nesas zonas.

Os atropelos prodúcense principalmente na época reproductora, momento de gran movimento de anfibios na procura do líquido elemento para reproducirse, un problema de dificil solución, ou quizáis non...

Para aqueles que pensamos que unha mellor provincia de Ourense é posible, a solución pasa por un compromiso por parte de todas as administracións competentes, para a localización dos principais puntos de atropelo de anfibios e a conseguinte colocación de pasos soterráneos e barreiras para guialos bichos a así evitar a absurda condena a morte á que estamos sometendo a unha parte imprescindible da nosa fauna.

Na imaxe un sapo cunqueiro atopado morto por atropelo na serra de Queixa o pasado día 4 de agosto de 2012.

2 comentarios:

  1. Unha pena, polo cunqueiro, co ben que fixo polas Letras Galaicas, ...e as leiras de patacas. :)
    Breves saúdos

    ResponderEliminar