COLEGAS

martes, 25 de enero de 2011

Festexa o día dos Humidais en Ourense.


 Co gallo da conmemoración do 40 aniversario do convenio Ramsar, Amigos da Terra e a Aula da Natureza do Río Miño de Ourense querémosvos convidar a unha saía ornitolóxica pola ribeira do río Miño ao seu paso polo concello de Ourense.

Seguindo as recomendacións emitidas pola SEO de este ano, que aconsellan facer fincapé na conservación e estudio da vexetación de ribeira para contextualizalo no presente ano 2011, o "ano dos bosques", faremos fincapé nos diferentes estadíos de conservación da vexetación de ribeira no contexto local.

A saída terá lugar o vindeiro sábado día 5 de febreiro de 2011. Partiremos ás 10 da mañá dende a Aula da Natureza do río Miño en Oira (Ourense), a pé, visitando as zonas termais da cidade (A Chavasqueira e Outariz), e observando as aves acuáticas invernantes na Depresión Ourensá, chegando ata o observatorio ornitolóxico de Untes, onde daremos volta, rematando a actividade entre as 18:30 e as 19:00 h.

Para aqueles que o desexen recoméndase o seguinte material:

Binóculos e caderno de campo.
Calzado cómodo.
Roupa de abrigo.
Bocadillo e bebida.

Aqueles que o desexen poderán facer uso dar termas públicas situadas en Outariz, as únicas que neste momento non están asulagadas polo río Miño, polo que si queredes podedes traer toalla e bañador.

Para a volta existe servicio de transporte público, tanto bus urbán, coma o popular tren turístico das termas, cun prezo que oscila entre os 80 cents. e 1 E.

Para apuntarvos na actividade podedes chamar aos telfs:

988 510781 ( a atención deLuis) ou ao 988 605422 ( a atención de Alberto).

Ou ben enviando un correo a calquera das seguintes direccións:

www.aulanatureza@ourense.es.

ou á miña propia dirección de correo electrónico que todos coñecedes.

Picade na imaxe para procurar os detalles.

2 comentarios:

  1. Quixera agradecer públicamente ao colega Alberto Júnior a xuda prestada para esta entrada. Un saúdo.

    ResponderEliminar
  2. Bom trabalho, Alberto. Espero que seja uma boa experiência compartilhada dos visitantes com a natureza. Ela sempre é generosa com a gente.

    Sugiro registrar o passeio em vídeo, de forma simples, com uma camera fotográfica ou de telefone móvel mesmo.

    Saudações

    ResponderEliminar