Por desgracia, esta imaxe que vos presento a continuación, é un feito moi frecuente, que aqueles que bicheamos polo monte galego, nos atopamos con moita frecuencia, o asasinato vil e impune, de réptiles ao longo e ancho da xeografía galaica.
A imaxe provén do concello de Calvos de Randín e amosa un exemplar de cobra lagarteira europea (Coronella austriaca) decapitado nunha estrada rodeada de explotacións gandeiras, a imaxe foi tomada o pasado día 23 de Outubro de 2010 na compaña de Anxos Romeo, Martiño Cabana, Rafa Vázquez e Xosé Ramón Reigada.
Por sorte, e dentro da mesma xornada, pero xa en terreos do concello de Baltar, atopamos este exemplar vivo e coleando, ambos son exemplares xuveniles, probablemente nados este mesmo ano, ¿qué futuro lle agardará entón a este?, agardo sinceramente que non sexa acabar como o seu conxénere anterior.
No hay comentarios:
Publicar un comentario