Fauna Vertebrada de Ourense cumpre dous anos!

"A palabra ten moito de aritmética: divide cando se utiliza coma navalla, para lesionar; resta cando se usa con lixeireza para censurar; suma cando se emprega para dialogar e multiplica cando se dá con xenerosidade para servir"- Carlos Siller- Autor Mexicano.

Este blog está hoxe de noraboa, xa que tal día como hoxe, pero do ano 2009, comezou a súa andanza a través do océano que supón a internet.

A falla de fillos biolóxicos, fauna vertebrada de Ourense, fai as veces dun fillo, que ao longo do tempo foi medrando, ata acadar unha incidencia que supera, e con creces, á do seu creador.

Eu, como humilde autor dos post colgados neste blogue, só agardo ter cumprido as espectativas até o de agora, e seguir alimentando este monstro do naturalismo ourensán, para continuar co compromiso que supón a divulgación da biodiversidade da provincia de Ourense e a achega aos problemas ecolóxicos que a ameazan, que por certo non son poucos.

Próximamente reanudaremo-lo compromiso, renovarémo-los votos do matrimonio eterno deste ourensán para coa súa provincia, agardando que coa chegada das bodas de ouro, festexemola resurección da Lagoa de Antela, a eliminación dos eucaliptos e das mimosas dos montes galegos e a convivencia pacífica de tódolos habitantes deste planeta.