Bilurico bailón no río Barbaña.

O bilurico bailón (Actitis hypoleucos) pasa por ser unha das aves limícolas máis frecuentes nos ambientes acuáticos do interior, sendo tamén por esta cuestión polo tanto, unha das limícolas máis frecuentes e de observación máis sinxela da nosa provincia. Durante os pasos migratorios e no inverno parece onnipresente en moitos dos ambientes acuáticos de Ourense, coma ríos, regatos, encoros e lagoas.

Neste caso amósovos un exemplar fotografado o pasado día 19 de setembro de 2013 no río Barbaña ao seu paso pola cidade de Ourense.

Bilurico bailón en Sandiás.

O bilurico bailón (Actitis hypoleucos) é a limícola máis frecuente da provincia, con moitísima diferencia, xa que se pode atopar na maioría dos cursos fluviais durante todo o ano. É sin embargo durante os pasos migratorios e durante a invernada cando a especie se observa con maior facilidade. A pesar do dito anteriormente, as confirmacións de cría desta especie en Galicia son moi escasas.

O exemplar que aquí se presenta foi capturado para anelamento, en terreos do concello limiao de Sandiás, por Emilio Martinez Sabarís, o pasado día 15 de agosto de 2010, nas imaxes podedes apreciar os detalles da plumaxe, difícilmente detectables nunha observación combencional a golpe de prismáticos.

Bilurico bailón en Ourense.

O bilurico bailón (Actitis hypoleucos) é unha das nosas limícolas máis frecuentes, de feito o pasado día 20 de decembro de 2009 foron localizados 28 exemplares no treito do río Miño comprendido entre a presa de Velle e Outariz, unha cifra moi sigmificativa para a zona.

Nestas imaxes podedes ver parte dos exemplares localizados nos últimos días.

Biluricos bailóns en Xinzo de Limia

Por fín unha fotografía decente desta especie, este par de biluricos bailóns (Actitis hypoleucos) estaban nunha canle en terreos do que foi a lagoa de Antela, en Xinzo de Limia, o día 23 de agosto de 2009.

Bilurico bailón na Limia

Nestes días tamén se produciu unha forte entrada de biluricos bailóns (Actitis hypoleucos) na provincia con exeplares xa en todos os encoros visitados nos últimos días, e nos distintos tramos do Miño prospectados, A Limia non podía ser menos e tamén alberga exemplares nas aereeiras en Sandiás, onde o día 9 de agosto de 2009 se optiveron estas fotografías.