Lontras na Limia.

"A nosa natureza está na acción. O repouso presaxia a morte"- Séneca (4 a.C-65)-Filósofo romano.

O pasado día 11 de decembro de 2010 tiven o gran pracer de observa-las peripecias de ata sete exemplares diferentes de lontras (Lutra lutra), en varios puntos do concello de Sandiás.

É unha sorte poder contar con este tipo de animais perto da casa, xogando, pescando e reproducíndose a pesar da contaminación, en contra de todo pronóstico, e esquivando os tiros de desconsiderados cazadores que se chaman a si mesmo deportistas, pero que de deportistas non teñen nada.

A lontra montense en ourense na maioría dos cursos fluvias, pese a que na actualidade ten un perigoso competidor, o visón americano (Neovison vison), que lle está a invadir o terreo.

Abride ben os ollos, e pescudade ao voso arredor, por que detrás de caza folla, diante de cada carballo, hai un ser digno de ser admirado.

Lontra en Vilar de Santos.

Este exemplar de lontra (Lutra lutra) foi observado nunha areeira xa recuperada en terreos do concello limiao de Vilar de Santos o pasado día 2 de xaneiro de 2010, na marxe dereita da canle de Antela, unha boa nova para comezar este ano con bo pe.

Lontra nas areeiras da Limia.

Dende logo sempre é unha ledicia atoparse cunha lontra (Lutra lutra) canto máis nun espazo natural como as areeiras da Limia de Sandiás, que sabemos que nos últimos tempos está invadido polos visóns americanos (Neovison vison).

Este exemplar foi visto o pasado día 27 de decembro de 2009, aparentemente entrando na toqueira, da que saiu apenas uns minutos máis tarde.

Lontra en Ourense.

A lontra (Lutra lutra) é un mamífero mustélido acuático, que se ben non é unha especie escasa en Ourense, a súa observación si reviste certo tipo de dificultade, aínda que con paciencia todo se pode conseguir.

Estas fotografías dunha lontra buceando foron optidas o día 21 de xullo de 2008, no río Miño en Reza, se ben non as tiña colgado por que quería asegurarme primeiro de que pertencían a esta especie, dictamén que foi logrado por un experto da web: www.biodiversidadvirtual.com, Jorge Falagán.

Dende logo é toda unha boa nova que aínda poidamos contar ca presencia desta especie en Ourense e tan perto da cidade.