Fauna e Flora Salvaxe de Galicia, un novo grupo no facebook.

Acabamos de crear un novo grupo no facebook chamado Fauna e Flora de Galicia, tendes o enlazamento picando no nome do grupo. Este grupo pescuda ser un punto de encontro para a promoción da fauna e flora de Galicia, iniciativas conservacionistas, pero tamén un lugar de promoción para iniciativas públicas ou privadas que pescuden un desenvolvimento sostible da nosa terra. 

Asemade queremos que sea un grupo aberto ao debate e á denuncia dos maltratos ecolóxicos que constante mente sofre a terra galega. 

 

 

Animámosvos a participar e partillar para entre todos facer ver que Galicia pode resurxir das súas cinzas sen hipotecar o seu futuro e o seu patrimonio natural. Asemade sei que entre todos seremos capaces de mostrar tódalas maravillas que a nosa terra agocha.

 

 

IV Xornadas Herpetolóxicas Ourensás.

Un ano máis, e xa van catro, a Aula da Natureza do río Miño e un servidor convidámosvos ás Xornadas Herpetolóxicas Ourensás. Este ano organizaremos dúas xornadas que terán lugar o sábado 23 de abril e o sábado 21 de maio en horario de 10:00 a 14:00h tendo como punto de encontro a Aula. Tendes toda a info para apuntarvos no anterior enlazamento.

A primeira xornada versará sobre os réptiles e anfibios termófilos da bisbarra de Ourense, e visitaremos aqueles puntos de maior influenza mediterránea para observar aos réptiles máis característicos do dominio mediterráneo galego como a ladra (Tarentola mauritanica), a lagartixa cinsenta occidental (Psammodromus occidentalis), escáncer ibérico (Chalcides bedriagai) así como os anfibios característicos deste tipos e hábitat como o sapo corriqueiro (Alytes obstetricans) ou o sapo corriqueiro (Epidalea calamita), dependentes para a reproducción das masas de auga temporais características deste tipo de ambientes, facendo fincapé nas necesidades de conservación deste tipo de hábitats característicos das depresións fluviais ourensán e que son causa directa da súa riqueza herpetolóxica.

Un ano máis queremos por de manifesto a riqueza da bisbarra ourensá e testas o estado de conservación dos nosos herpetos como un dos máis efectivos bioindicadores para detertar os problemas medioambientais dos ecosistemás máis cercanos.

Presentazón do Libro "Los vencejos sueñan despiertos"

O día 29 de marzo presentarase na aula da natureza do río Miño de Ourense, ás 20:00 o libro de David Álvarez "Los vencejos sueñan despiertos". David Álvarez é un biólogo e naturalista asturiano, autor do laureado blogue Naturaleza Cantábrica.

Ao día seguinte terá lugar a presentazón da mesma obra en Vigo, en O Lar do Queixa, tetería alternativa situada en Heraclio Botana nº 6, ás 20:30 h.

O Lar do Queixa, unha nova proposta hosteleira en Vigo.

Como moitos de vós sabedes a miña profesión oficial, digamos aquela coa que me gaño o pan, é a hostelería. Nos derradeiros tempos tomei a decisión de ser autónomo, coas vantaxes e inconvintes que este feito ten. Moitos de vós coñecedesme das miñas anteriores propostas, maís agora, nun punto vital, digamos diferente, achégome a vós cun novo a arriscado proxecto, nunha nova cidade, Vigo (Pontevedra).

Hai xa uns cantos anos unha historia cativoume e chegou a obsesionarme como ninguha outra das que me teño atopado durante o meu percorrido como naturalista, esa historia é a do queixa, ser cuase mitolóxico do macizo central ourensán que asimilamos como unha caste de gran felino, moi posiblemente o lince boreal ou europeo.

 Así, como paso dos anos, crin oportuno adicarlle o nome a ese ser que dende aquela se transformou no meu totem, así naceu o pasado día 22 de maio de 2015, "O Lar do Queixa".

"O Lar do Queixa",  é unha tetería e cervexería situada na Praza de Heraclio Botana de Vigo, a cabalo entra as rúas de Garcia Barbón e Rosalía de Castro, en pleno centro da cidade pero nun lugar tranquilo onde disfrutarán dun ambiente e un clima amable. 

A nosa proposta como tetería pasa por unha amplia carta de infusións con máis de 25 variedades diferentes á túa disposición, e isto e soio o comezo, porque contamos superalas cincuenta en moi pouco tempo.

Como cervexería, ademáis das cervexas máis comerciais, a nosa proposta pasa por unha ampla carta de cervexas artesás e galegas, xa que coidamos que é unha boa maneira de facer país entre todos. No noso local atoparás a cervexa galega que máis che apeteza, e se non te decides, non te preocupes, por que nós asesorarémoste para que quedes satisfeito.

Non esquezas que as nosas cervexas e infusións van sempre acompañadas de pinchos que elaboramos no momento con productos de alta calidade, e temos interesantes apostas para veganos e vexetarianos.

A tetería cervexería O Lar do Queixa abriu as súas portas o pasado día 22 de maio de 2015, para tal ocasión contamos coa presenza do grupo ourensán The Tetas Van, que nos deleitou cunha impresionante actuación en directo.

Esta tetería nace co firme propósito de facer país, como tal, no noso local sempre terán boa acollida todas as propostas artísticas e culturais que axuden a tal fin, se tendes unha proposta non dubidedes en porvos en contacto con nós a través da nosa páxina de facebook,  https://www.facebook.com/olardoqueixa e se queredes, e xa que estades dentro, dádelle un me gusta....

O Lar do Queixa ten un horario de tarde, abrindo de 17:00 h en adiante, e até que o corpo aguante, todos os días da semana, e conta con zona wifi e un reservado que demos en chamar o rincón do Lar, onde disfrutarás dun espazo íntimo para as túas reunións e quedadas, ambientado nun cuarto tradicional da Galiza de mediados do século XX.

Xornadas sobre o Lobo Ibérico en Castrelo do Val

O LOBO
AMENAZA O AMENAZADO
XORNADA 21 DE MARZO DE 2015
LUGAR: Salon de Actos-Biblioteca Concello de Castrelo do Val
PROGRAMA DEFINITIVO
16.00 h: PRESENTACION DA XORNADA. Representante do Concello de Castrelo do Val.
16.05 h: ENTREVISTA A MARCOS RODRIGUEZ PANTOJA: Quince anos vivindo cos lobos na
Sierra Morena.
16.45 h: PROYECCION DOCUMENTAL: ‘Conviviendo con lobos’. Presenta o documental: Daniel
Boyano (El Huerto del Pozo, Puebla de Sanabria, Zamora).
17.30 h: Pausa
18.00 h: ARQUEOLOXÍA DO LOBO NO NOROESTE DA PENÍNSULA IBÉRICA : David Perez.
18.45 h: MESA REDONDA: O lobo en Ourense. Asisten: Benito Gonzalez Peña (Gandeiro de
Rebordechao), Alberto Fernandez Vazquez Axente Facultativo Ambiental (Xunta de Galicia),
Alberto Rivero (Naturalista) y Emilio Parada Cid (Cazador)
ORGANIZA:
Colectivo A Ermida
COLABORAN
Sociedade Antropolóxica Galega Concello de Castrelo do Val La Caixa

Festexa coa Aula da Natureza do río Miño e cos Amigos da Terra o día Mundial dos Humidais.

Co gallo da celebración do Día Mundial dos Humidais (que é propiamente o día 2 de febreiro) Aula da Natureza do Río MIño (Concello de Ourense)realizaremos en colaboración con Amigos da terra un pequeno percorrido pola marxe dereita do río, saindo dende a pasarela de Outariz e que rematará na localidade de Untes, que servirá para iniciarse na observación de aves propias de entornos lacustres ou fluviais e que será guiado polo naturalista ourensán Alberto Rivero.

Aconsellamos o uso de calzado cómodo e traer prismáticos e guías de aves, se dispoñen deles.
Non é preciso inscribirse previamente. Rogamos puntualidade.

MOLLATE POLOS RIOS NA AULA DA NATUREZA

Dentro das actividades de conmemoración do décimo aniversario da apertura da Aula da Natureza do río Miño convidámosvos a unirvos á VII limpeza simultánea que no caso de Ourense terá lugar a partir das 11 da mañá o próximo domingo día 28 de setembro de 2014.

Agardámosvos en Oira e non esquezades as catiuscas para votarlle unha man ao noso pai Miño e aos seus afluentes.

I Xornadas Herpetolóxicas de Outono na Aula da Natureza do río Miño.

O próximo sábado día 27 de setembro de 2014, e incluídas nas actividades do décimo aniversario da Aula da Natureza do río Miño, organizaránse as primeiras xornadas herpetolóxicas de Outono. Estas xornadas pescudan informar sobre aquelas especies de anfibios e réptiles que teñen a sua época reproductora nesta estación, así como a problemática ás que se enfrontan despois dos diferentes episodios de contaminación e introducción de especies alóctonas no seu hábitat.

Visitaremos o encoro de Cahanamuiña (Pereiro de Aguiar) e o seu entorno, onde atoparemos unha mezcla de hábitats idónea para estudar a un tempo as especies acuáticas e de mato.

Agárdovos o próximo sábado ás dez da mañá na Aula da Naturaza do Río Miño en Oira.

Participa no encontro de Soberanía Alimentaria en As Corcerizas!‏

ENCONTRO DE SOBERANÍA ALIMENTARIA ALTERNATIVAS LOCAIS PARA UN CAMBIO GLOBAL Amigos da Terra convídavos a participar nun encontro do 26 ao 28 de setembro, no que pretendemos construir pontes entre a xente e os seus alimentos A relación que temos cos alimentos e a forma na que os producimos está sometida a presións crecentes. Como resultado, a agricultura a pequena escala está sendo reemplazada por unha a gran escala, creada por agro-empresas transnacionais. AMPLIAR INFORMACIÓN E INSCRIBIRSE AGRO-INDUSTRIA E REPERCUSIÓNS SOBRE O MEDIO E COMUNIDADES: con Blanca Ruibal-Amigos de la Tierra: Quén se beneficia cos transxénicos? Unha industria baseada en mitos Acaparamento de terras: casos exemplo de Liberia e Indonesia Os tratados de libre comercio: o novo asalto da globalización económica DA HORTA AO PRATO. Obradoiro de Cociña EcoLóxica Local: alternativas prácticas para un cambio global. Con Gloria Domecq, especialista en cociña natural. Outros temas que trataremos: Obradoiro de autoprodución de setas Os "Alimentos Quilométricos" O despilfarro alimentario

Facebook As Corcerizas Participa!   Límite de inscrición: 23 de setembro; prazas limitadas! Máis información: www.ascorcerizas.com/info@ascorcerizas.com ou contactando no 986 229 089, local de Amigos da Terra en Vigo.  www.ascorcerizas.com | www.amigosdaterra.net

Coñece o bidueiral de Montederramo cos Amigos da Terra.

Coñece o Bidueiral de Montederramo!

Amigos da Terra convídavos a fin de semana do 13-14 de setembro, a participar nun roteiro guiado pola "fraga das damas brancas", o bosque de bidueiros mellor conservado de Galicia

Sábado - 10.30h. Saída ao Bidueiral de Montederramo: ruta guiada polo bosque; identificando as especies autóctonas, os seus usos mediciñais e o alto valor ecolóxico do espazo. Xantar de campo, coa volta prevista para as 19.30h. en As Corcerizas.
Domingo - 10.30h. Visita As Corcerizas e voluntariado: unha oportunidade de coñecer os recursos do centro ou participar nunha acción conxunta para a mellora ambiental do entorno. Fin da actividade ás 13.30h.,abertas as instalacións ata 17.30h.

 

 

As actividades son de balde
Podes apuntarte só ao roteiro ou á fin de semana completa:

ALOXAMENTO - 15 € a noite no albergue

ALIMENTACIÓN- por conta das participantes:
- Sábado levar xantar de campo; posibilidade de cea compartida

- Domingo almorzo e xantar opcional
Prazas limitadas, por orde de inscrición;terán prioridade as socias de Amigos da Terra

 

Actívate na defensa do medio ambiente!

 MÁIS INFORMACIÓN E INSCRICIÓN:
Amigos da Terra en Vigo: 986 229 089
info@ascorcerizas.com

www.ascorcerizas.com
www.facebook.com/Ascorcerizas
 

 

Roteiro por Montealegre para finalizar o proxecto “Movéndonos para o cambio”

Este mércores 30 de outubro, terá lugar un roteiro por Montealegre, ás aforas de Ourense. Esta actividade dará por finalizado o proxecto xuvenil “Movéndonos para o cambio” que Amigos da Terra Xuventude leva desenvolvendo durante estes dous últimos meses nas vilas de Ourense e Vigo.
O monte de Montealegre é un hábitat de influencia mediterránea, onde ademais, é posible a observación de anfibios e réptiles de tipo termófilo. Teremos a posibilidade de divisar como quedaron as zonas afectadas polos incendios que sufriu o lugar durante este verán, ademais de ver como se están recuperando as zonas que foron afectadas en veráns anteriores. Poranse en relevancia as necesidades de restauración e de conservación destas áreas. Por desgraza, tamén poderemos ver a existencia de vertidos de residuos sólidos urbanos ao longo do percorrido.
O punto de encontro para o inicio do roteiro será o Xardín Botánico de Montealegre ás 17:00 h.
Destinatarios/as: todas as persoas interesadas en coñecer e sensibilizarse co entorno da provincia. Especialmente para persoas entre 18 e 35 anos de idade.
Data e hora: mércores 30 de outubro, entre as 17:00 h e as 19:30 h.
Actividade gratuíta.
Se estás interesado/a en participar, envía a ficha de inscrición que aparece no final desta nova ou solicita máis información a:
Correo-e:    voluntariado.galicia@amigosdaterra.net
Teléfono: 988 374 318 (oficina de Amigos da Terra, Ourense)
Financia: Dirección Xeral de Xuventude e Voluntariado.

	Martín Domínguez
	Iniciativas xuvenís- Área de Voluntariado
	Amigos da Terra Galicia - Membro de Friends of the Earth International
	Rúa Progreso, 91 - Galerías Proyflem, entreplanta, local 9B. 32003 Ourense Tel. [+34] 988 374 318 voluntariado.galicia@amigosdaterra.net
	www.amigosdaterra.net

Roteiro en Puzo do Lago coa colaboración de “Acción Ambiental”

O vindeiro luns día 28 de outubro terá lugar un roteiro interpretativo polo ENIL (Espazo Natural de Interés Local) “Puzo do Lago” ubicado no concello de Maside. Esta actividade forma parte da iniciativa xuvenil “Movéndonos para o cambio” promovido por Amigos da Terra Xuventude e, nesta ocasión, contaremos coa colaboración da asociación xuvenil “Acción Ambiental” que no marco do “Proxecto CEUS” (Camiñando cara unha Europa Sostible) levan arredor de 6 meses realizando accións de restauración, conservación e educación ambiental no entorno do humidal.
Con esta actividade preténdese promover unhas actitudes de sensibilización e de respecto cara o medio ambiente e intentar potenciar as sinerxias entre grupos ambientais afíns.
Tentaremos coñecer todas as particularidades deste peculiar espazo e farase fincapé na importancia e necesidade de conservación das zonas húmidas como fontes ricas en biodiversidade.
Tal como no roteiro deste domingo polo río Barbantiño, quedaremos na explanada da Policía Nacional de Ourense ás 17:00 h, para desprazarse ata o Maside en coche. As persoas que queiran ou que vivan máis preto do lugar que visitaremos, poden estar ás 17:30 h xunto ó caseto de “Puzo do Lago”. O regreso está previsto sobre as 19:00 h da tarde.
Destinatarios/as: todas as persoas interesadas en coñecer e sensibilizarse co entorno da provincia. Especialmente para persoas entre 18 e 35 anos de idade.
Data e hora: luns 28 de outubro, entre as 17:00 h e as 19:00 h.
Actividade gratuíta.
Se estás interesado/a en participar, envía a ficha de inscrición que se adxunta neste email ou solicita máis información a:
Correo-e:    voluntariado.galicia@amigosdaterra.net ou accionambiental@hotmail.es 
Teléfono: 988 374 318 (oficina de Amigos da Terra, Ourense)
Financia: Dirección Xeral de Xuventude e Voluntariado.

Roteirríos polo río Limia.

 

O vindeiro sábado 26 de outubro, convocamos o Roteirríos de outubro que desta volta estará adicado a coñecer diferentes ecosistemas doceacuícolas da comarca limiá.

Na xornada, realizaremos un roteiro polo río Limia, achegándonos a súa biodiversidade. Coñeceremos tamén unha iniciativa de restauración realizada nunha das areeiras de Sandiás. A visita será guiada polo biólogo e restaurador de ecosistemas Diego R. Vieites (Verdegaia).

                  Programa da Xornada

10.30 Encontro en Xinzo de Limia    (Estación de autobuses)

11.00 Comezo do roteiro na Ponte  da Rúa (Rairiz/Porqueira)

14.30 Parada para xantar na carballa da Rocha (A Saínza)

16.00 Visita ás areeiras de Sandiás

17.30 Observación de aves

19.00 Remate da actividade

A actividade organizada por Proxecto Ríos está promovida por Confederación Hidrográfica Miño-Sil (CHMS) e Augas de Galicia e colabora Verdegaia.

A actividade é gratuita pero é preciso inscribirse. Para máis info e inscricións:

www.proxectorios.org

ramses@adega.info

616 23 80 50

Roteiro ambiental Paseo do Barbantiño-Fervenza do Viñao.

Esta fin de semana, dentro do proxecto de iniciativas xuvenís “Movéndonos para o cambio” promovido por Amigos da Terra, temos prevista a realización dun roteiro ambiental no entorno da vila de Ourense.

Desprazarémonos ata o río Barbantiño para desfrutar do seu paseo ata chegar ao lugar coñecido como “Fervenza do Viñao ou do Cachón”. Trataremos de coñecer un pouco máis sobre o entorno da provincia para axudar á sensibilización ambiental e á conservación do territorio. Ademais, falaremos sobre distintas problemáticas e particularidades ambientais asociadas ás zonas húmidas que poidamos observar durante o transcurso do roteiro.

O lugar para quedar inicialmente será a explanada do edificio da Policía Nacional de Ourense o domingo 27 de outubro ás 10:00 horas. Distribuiremos as prazas dispoñibles dos coches entre os participantes para o transporte ata o lugar do roteiro. A hora de regreso está prevista para ás 13:00 horas, aproximadamente.

Destinatarios/as: todas as persoas interesadas en coñecer e sensibilizarse co entorno da provincia. Especialmente para persoas entre 18 e 35 anos de idade.

Data e hora: domingo 27 de outubro, entre as 10:00 h e as 13:00 h.

Actividade gratuíta.

Se estás interesado/a en participar, ponte en contacto con nós:

Correo-e:   voluntariado.galicia@amigosdaterra.net

Teléfono: 988 374 318 (oficina de Amigos da Terra, Ourense)

Obradoiro de compostaxe e vermicompostaxe doméstica en Ourense.

O xoves 3 de outubro levarase a cabo o segundo obradoiro relacionado co Consumo Responsable, que está enmarcado no proxecto xuvenil “Movéndonos para o cambio”.

Desta vez tratarase dun obradoiro teórico-práctico sobre compostaxe e vermicompostaxe doméstica. Falaremos sobre a problemática asociada aos residuos e sobre cal é a situación actualmente en Galicia. Proporemos alternativas como a compostaxe a nivel doméstica e amosaremos como aproveitar un produto de desfeito transformándoo nun produto útil e de calidade.

Na parte práctica elaboraremos manualmente un composteiro, que nos servirá para converter os nosos residuos orgánicos en compost, un produto excelente como rexenerador de solos.

Localización: Centro Cívico Colón,  Rúa Colon, nº 18, 3º  andar. Ourense.

Destinatarios/as: Todas as persoas interesadas en coñecer o modelo de residuos existente en Galicia e aquelas que estean interesadas en compostar os seu residuos. Especialmente orientado para persoas entre 18 e 35 anos de idade.

Data e hora: xoves 3 de outubro, entre ás 18:00 h e as 20:00 h
Actividade gratuíta, prazas limitadas.
Financia: Dirección Xeral de Xuventude e Voluntariado

Se estás interesado/a en participar ou precisas máis información
Teléfono: 988 374 318 (oficina de Amigos da Terra, Ourense)

Herpeteando de novo coa Aula da Natureza do río Miño.

Aquí vos traio parte do trballo de hoxe na Aula da Natureza do río Miño, unhas fermosas imaxes dunha lagartixa dos penedos (Podarcis lusitanica) atopada no Castro de Oira na xornada herpetolóxica de hoxe.

Un bo amigo, médico por certo, díxome un día que o equilibrio emocional e psicolóxico está íntimamente relacionado coa saude física, polo que a aqueles que nos move unha paixón, pode resultar terapéutica na súa xusta medida, e así dixo, "tí sae ao campo, disfruta e reláxate", asi que eso estou tratando de facer, seguir a presquipción médica ao pe da letra.

Seguindo co tema de hoxe quixera agradecer especialmente á Aula da Natureza do río Miño a súa atención e disposición no tocante á organización de actividades, xa que é un espazo público sempre disposto a abrir as portas a toda a cidadanía.

Hoxe visitamos o Castro de Oira, todo un descubrimento que une un reducto de fraga termófila de Sobreiras, Érbedos e Carballos rebolos, cun xacimento arqueolóxico, ademáis de contar ca presenza de diversa fauna, como paxaros forestais, aves rapaces e anfibios e réptiles. Nun regato cercano detectamo-la preseza da rata da auga (Arvicola sapidus), e na fraga rastos de esquío (Sciurus vulgaris) e Porco bravo (Sus scrofa).

No tocante aos reptiles e anfibios detectamos 4 ex. de lagartixa dos penedos, duas femias, unha delas grávida, un macho e un xuvenil, larvas de sapiño comadrón (Alytes obstetricans) e sapo común (Bufo bufo), así como un exemplar de ra, que non puidemos identificar.

En breve voltaremos a organizar unha nova saída herpetolóxica da que prometo mantervos puntualmente informados, mais namentras podedes ver parte do resultado de  hoxe picando aquí.

Voluntariado de Amigos da Terra no centro ambiental de As Corcerizas.

Un grupo de activistas da asociación ecoloxista Amigos da Terra organiza a vindeira fin de semana, dende o 6 ata o 8 de setembro unha xornada de voluntariado ambiental para dar continuidade aos traballos forestais que se iniciaron esta primavera no entorno de As Corcerizas, na serra de San Mamede: recollida de leña, limpeza do monte, protección de árbores, e para completala xornada conpartindo experiencias, organizaráse un cursillo de auto cultivo de setas.

O aloxamento no albergue será gratuito, así como o almorzo. Os participantes terán que levar a comida do sábado e o domíngo, asi como unhas verdurillas para a cea do sábado, co fin de acompañar a pasta e o arroz que porá a asociación.

A chagada será o venres ás 18:00 h e a saída o domingo pola tarde.

Se queredes participar nesta actividade debedes enviar un correo ou chamar por telf á oficina da asociación en Ourense.

correo: www.voluntariado.galicia@amigosdaterra.net 

teléfono: 988 374 318

Ahí xa contactarán con vós para ultimar detalles.

 

Herpeteando na Aula da Natureza do río Miño.

Como cada ano a Aula da Natureza do río Miño está a organizar as súas actividades de verán para os cativos da cidade. Hoxe tocou un día adicado aos anfibios e réptiles, que por desgracia non fixeron a súa aparición a excepción dunha muda de cobra de auga de colar (Natrix natrix), e nos tivemos que conformar cn algún que outro insecto e un pequeno niño de paporrubio abandoado, tedes as imaxes da actividade pinchando aquí.

Deixovos un par de imaxes dunha pequena mantis relixiosa que atopamos polo camiño.

Primeiras Xornadas Herpetolóxicas Ourensás: Ourense capital herpetolóxica de Galicia.

Ourense é a capital de provincia galega con maior número de especies de anfibios e réptiles, este feito, pouco coñecido polos seus habitantes, fan necesario un esforzo por parte de todos para a conservación e a divulgación desta riqueza.

Con tal fin, o Concello de Ourense, a través da Aula da Natureza do río Miño, convídavos a participar en catro xornadas de achega ás poboacións de anfibios e réptiles do concello de Ourense.

Estas xornadas buscan sensibiliza-la poboación ourensá na conservación dos hérpetos (anfibios e réptiles) que moitas veces causan repulsión e medo, totalmente inxustificado. asemade pescudamo-la promoción desta riqueza faunística entre aquelas persoas interesadas no mundo dos anfibios e réptiles habitantes doutros puntos do país.

Como xa mecionamos as xornadas serán catro, unha cada duas semanas, entre os meses de abril e maio de 2013, con temática variada e unha duración aproximada de catro horas, se queredes podedes asistir a todas, ou somentes a aqulas na que estexades interesados.

Xornada 1: 

Sábado 13 de abril de 2013 de 10 a 14 horas.

Punto de encontro: Aula da natureza do río Miño (Oira).

Temática:"Ourense: capital herpetolóxica".

               Presentación de actividade.

               Fundamentos de herpetoloxía.

               Características básicas dos anfibios e réptiles.

               Os hérpetos como bioindicadores.

Saída práctica: Hérpetos do medio acuático e forestal ourensán.

                       Visitaremos as cuncas dos río Miño e Loña, así como diversas lagoas artificiais urbanas.

                       Especies invasoras e o seu impacto no medio ambiente.

                       Especies extintas hérpetos en Ourense.

Xornada 2:

Sábado 27 de abril de 2013 de 10 a 14 horas.

Punto de Encontro: Aula da Natureza do río Miño (Oira).

Temática: "Oasis ubanos", a importancia dos solares sin urbanizar e a xardinería para os hérpetos.

                 Impactos urbanos negativos para os anfibios e réptiles: Atropelos e destrucción de hábitats.

                 Traslocación de hérpetos.

Saída práctica: Hérpetos urbanos: Visitaremos solares e xardíns dos barrios de Oira e O Vinteún á procura das especies características do medio máis urbanizado da cidade de Ourense.

                          A importacia dos anfibios e reptiles no equilibrio ecolóxico das cidades.

Xornada 3:

Sábado 11 de maio de 2013 de 10 a 14 horas.

Punto de Encontro: Aula da do río Miño (Oira).

Temática: Hérpetos mediterráneos de Ourense.

               A influencia da climatoloxía nas especies de anfibios e réptiles.

               O impacto dos incendios forestais nas poboacións de anfibios e réptiles.

Saída:  Visitaremos Oira, As Eiroás e Valdorregueiro na procura das especies de hérpetos endémicas da Península Ibérica, e aquelas de maior tendencia mediterránea.

Xornada 4:

Sábado 25 de maio de 2013 de 10 a 14 horas.

Punto de encontro: Parque de Montealegre.

Temática: "Hérpetos de mato e forestais"
                As ameazas para a supervivencia dos anfibios e réptiles en Ourense.
                A importancia das charcas temporais para os anfibios.

Saída: Montes do Cuco, Montealegre, O Perdigón e Monterrei.
          Impacto dos deportes de risco nas poboacións de anfibios e réptiles.
          A impronta dos anfibios e réptiles na cultura popular ourensá.
          Posta en común e fin de actividade.

A actividade é totalmente gratutita, para acudir é preciso anotarse con anterioridade chamando ao teléfono 988-51-07-81.

As xornadas están dirixidas a todo tipo de público, rapaces ou adultos, expertos ou totalmente profanos na temática das mesmas. 

 

O sapoconcho común especie herpetolóxica do ano.

A "Sociedad Herpetológica Española" ven de declara-lo sapoconcho común (Emys orbicularis) como Especie do Ano para este 2013. Dito galardón é unha estratexia conservacionista, xa mencionada, que pescuda chama-la atención sobre a situación e grado de conservación dunha especie determinada.

No tocante ao sapocoocho europeo ou común, a regresión das súas poboacións no continente europeo ven sendo xeneralizado nas derradeiras décadas. Dita dimunición ven xerada pola alteracións dos seus hábitats, a recolección ilegal no medio natural, a competencia con especies alóctonas, e o seu consumo como alimento de vixilia (feito que ten ido en descenso nos derradeiros anos).

Oficialmente en Galicia, a especie habita nas Gándaras de Budiño (Pontevedra), e nas cuncas dos ríos Arnoia e Avia en Ourense.

Extraoficialmente hai datos de peso que parecen sinalar a súa supervivencia nas cuncas do Sil, Miño, Támega e Limia.

Co gallo de por de manifesto o grave estado de conservación das poboacións do sapoconcho europeo en OUrense, celebraranse unha serie de actividades en diversos puntos da provincia da que vos manteremos puntualmente informados.