Anduriña en Oímbra.

O día 27 de marzo de 2010 Xosé Ramón Reigada, e máis este que vos escribe, tamén atopamos esta anduriña común (Hirundo rustica) pousada prácidamente nunha estraba do concello de Oímbra, nestes días as anduriñas andan moi atarefadas recollendo barro para a construcción ou reparación dos seus niños.

As anduriñas agrúpanse antes de marchar...

Como moitas das aves estivais que temos na provincia, nestes días e hasta setembro as anduriñas comúns (Hirundo rustica) agrúpanse en vandos cada vez maiores antes de comenzar a migración que as levará a África, este grupo foi observado en Rairiz de Veiga o día 23 de agosto de 2009.

Anduriñas comúns pousadas nun carballo da Limia

Grupo de anduriñas comúns (Hirundo rustica) pousadas en carballos da Saínza (Rairiz de Veiga) o 8 de agosto de 2009.

Anduriñas comúns pusadas nun castiñeiro da Limia

Un grupo familiar de anduriñas comúns (Hirundo rustica) posado nun castiñeiro do pobo de Castelaos (Vilar de Santos) en xullo de 2008, un sustrato pouco utilizado pola especie para tal fin xa que utiliza outros pousadoiros habitualmente, tales como cables telefónicos ou de electricidade.

Gran paso de anduriñas comúns no río Miño en Ourense

Onte, día 4 de marzal de 2009, centos de anduriñas comúns (Hirundo rustica) usaron o val do Miño en Ourense como autopista migratoria, literalmente había anduriñas por todas partes, en grupos de 20 a 50 exemplares, subían en dirección contraria á corrente alimentándose dos insectos que pululaban polo río.