Miñato queimado nas Areeiras da Limia

O pasado día 11 de xullo de 2010 foron observadas tres exemplares de miñato queimado (Milvus migrans) nas areeiras da Limia, no concello limiao de Sandiás, un dos cales é o que aparece nas imaxes.

O miñato queimado transformouse nos últimos tempos, nunha das aves rapaces máis frecuentes da provincia, quizáis axudado pola proliferación de certas especies de peixes introducidas, como por exemplo a carpa (Ciprinus carpio).

Miñato queimado na Limia

Miñato queimado (Milvus migrans) fotografado nas areeiras da Limia en Sandiás o 9 de agosto de 2009.

Esta ave rapaz en proceso de expansión na provincia, estase a convertir nunha das aves de presa máis frecuentes de Ourense.

Miñato queimado en Ourense

Este miñato queimado (Milvus milvus) andava á procura de pitanza río Miño arriba e abaixo perto da Chavasqueira e o Tinteiro, dende logo este 31 de xullo está dando moito de si.

Miñato queimado atacado por corvos pequenos en Ourense

O día 5 de agosto de 2008 foi observado un miñato queimado (Milvus migrans) sobrevoando o monte do cuco, en terreos pertencentes ó concello de Ourense, o exemplar en cuestión sobrevoou tatén uns penedos nos que estavan pousados varios corvos pequenos (Corvus corone) posiblemente un grupo familiar pois esta especie nidifica na zona, o ocorrir esto un dos corvos dirixiu un fulmimnante ataque ó miñato, por si isto fora pouco, outro dos corvos respaldou o ataque do primeiro, ata que o miñato abandonou a zona.

Primeiro miñato queimado da tempada en Cachamuiña

O 7 de marzal de 2009 foi observado o primeiro miñato queimado (Milvus migrans) da tempada, o exemplar foi localizado a carón do encoro de Cachamuiña en Pereiro de Aguiar, zona que ven sido ocupada por unha parella reproductora dende hai anos.