Naviñeiros en Verín.

Naviñeiros é como se denominan en algúns puntos da bisbarra de Monterrei aos liñaceiros (Carduelis cannabina), seica que pola costume que ten a especie de face-los niños nas viñas.

O pasado día 27 de marzo de 2010 Xosé Ramón Reigada e maís eu puidemos comprovar de primeira man o avanzado xa do período reproductor, con conflictos territoriais e aportes de material ao niño, nestas imaxes obtidas perto do pobo de Mandín, no concello de Verín, podedes observar un macho, e unha femia que porta os ditos materiais para a construcción do niño.

Liñaceiro nas Veigas de Ponteliñares.

Liñaceiro é o nome co que nalgunhas partes da Limia coñecen á especie Carduelis cannabina, debido á costume desta paxaro, de alimentarse das semantes do liño, cultivo, noutro tempo moi extendido en Galicia.

Este exemplar, aínda ca plumaxe de inverno, foi localizado nas Veigas de Ponteliñares, o pasado día 3 de xaneiro de 2010.

Grandes bandos de liñaceiros na Limia.

Estanse a producir as primeiras grandes concentracións de liñaceiros (Carduelis cannabina) na comarca da Limia, coincidindo ca sega do cereal na comarca e co fin da época reproductora os liñaceiros sobrevoan as leiras e báñanse nas areeiras da límia en vandos que superan o cento de exemplares, un fermoso espectáculo para a vista como podedes apreciar nestas fotografías do día 29 de agosto de 2009 no concello de Vilar de Santos.